Zv/kryeministri i Maqedonisë së Veriut, Arben Fetai, ka shkaktuar tronditje në opinionin publik me deklaratën e tij në një debat televiziv në Lajm TV. I pyetur për fenomenin e blerjes së votave, Fetai tha se në zgjedhjet e kaluara BDI nuk është mjaftuar vetëm me para, por ka blerë vota edhe duke shpërndarë lëndë narkotike të rënda.
“Përveç se ka blerë vota me para, BDI ka blerë vota edhe me droga të forta, siç është kokaina”, deklaroi ai, duke e cilësuar këtë si një nga format më të rënda të deformimit të procesit zgjedhor.
Kjo deklaratë e Fetait pritet të shkaktojë reagime të forta politike, pasi për herë të parë një zyrtar i lartë qeveritar flet publikisht për përdorimin e kokainës në fushatat zgjedhore.
Deri tani, nga BDI nuk ka pasur reagim zyrtar ndaj akuzave të Fetait.