Lideri i Bashkimit Demokratik për Integrim (BDI), Ali Ahmeti ndodhet në Prishtinë, ku ka pasur paraqitje në televizionin publik të Kosovës.
I pyetur për takimin e sotëm në Prishtinë, mes kryeministrit të Kosovës, Albin Kurti dhe liderëve të Lidhjes Europiane për Ndryshim (LEN) dhe liderit të Aleancës për Shqiptarët, Arben Taravari, Ahmeti tha:
“Ideja për president shqiptar, është e hershme”.
Kjo vjen ngaqë nga Kryeministria e Kosovës njoftuan se në takim, liderët propozuan që për kandidat të përbashkët për president të Maqedonisë së Veriut, të dalë një shqiptar.
Nga ana tjetër, lideri i Lëvizjes Demokratike – pjesë e LEN-it, Izet Mexhiti ka deklaruar se “Bashkë me Bilall Kasamin (Besa), Afrim Gashin (Alternativa), Bekim Qokun (Vetëvendosje) dhe Arben Taravarin (ASH) na presin punë dhe përgjegjësi të mëdha“