Delegacionit serb nuk i pëlqen që u përmend “anëtarësimi i Kosovës në KiE”, ikin nga takimi në Sarajevë

Gjatë ditës së parë të takimit vjetor të përfaqësuesve të komisioneve të mbrojtjes dhe sigurisë të parlamenteve të Evropës Juglindore, në Sarajevë, delegacioni i Serbisë dhe nënkryetari i Komisionit të Mbrojtjes dhe Sigurisë i Asamblesë Parlamentare të Bosnje e Hercegovinës, Radovan Kovaçeviq, kanë ndërprerë fjalimet e përfaqësuesve të Kosovës dhe janë larguar nga konferenca.

Kjo u bë e ditur nga anëtari i delegacionit të Kosovës, Arbër Rexhaj, përmes llogarisë së tij në Facebook, më 12 qershor.

“Në fjalët tona, sërish Serbia u mundua që përmes grushteve në tavolinë, mbylljes së mikrofonave tanë, si rrugaqë të vërtetë t’i ndalonin fjalimet tona. Por megjithatë, nuk mundën dhe nuk do të mundin asnjëherë”, tha Rexhaj duke bërë të ditur se pjesëmarrës aty ishte bashkë me deputetin tjetër të Kuvendit të Kosovës, Erxhan Galushi.

Ai falënderoi deputetët e Shqipërisë dhe Kroacisë, të cilët siç tha ai “u përballen me ta, duke u rreshtuar qartazi në krahun tonë”.

“Ua tham troç se Kosova është shtet i njohur ndërkombëtarisht, e vërtetuar nga Gjykata Ndërkombëtare e Drejtësisë. Poashtu, sulmi në Banjskë të Kosovës dëshmon se Serbia nuk ka ndryshuar, është po ajo si e Millosheviçit”, shkroi Rexhaj.

Agjencia e lajmeve e entitetit Republika Sërpska, SRNA raportoi se delegacioni serb me Kovaçeviqin – anëtar i Aleancës së Social Demokratëve të Pavarur (SNSD) të Milorad Dodi – u largua nga konferenca për shkak se “një anëtare e delegacionit kroat, Zdravka Bushiq, tha se Kosova do të pranohet në Këshillin e Evropës”.

Kosova i ka kaluar dy prej tri fazave të nevojshme për pranim në Këshill të Evropës, organizatën lidere në fushën e të drejtave të njeriut.
Në hapin e tretë – miratimin e anëtarësimit në Komitet të Ministrave – Kosova nuk është përfshirë në agjendë, pasi nuk ka bërë hapa të mjaftueshëm drejt formimit të Asociacionit të komunave me shumicë serbe.

Serbia dhe liderët e entitetit Republika Sërpska nuk e njohin pavarësinë e Kosovës.

Takimi është një mbledhje e rregullt vjetore dyditore e përfaqësuesve të komisioneve të mbrojtjes dhe sigurisë të parlamenteve të Evropës Juglindore, e organizuar nga Komisioni i Mbrojtjes dhe Sigurisë i Asamblesë Parlamentare të BeH, Qendrës Rajonale për Bashkëpunim të Sigurisë dhe Misionit të OSBE-së në BeH, me mbështetjen e Qendrës së Gjenevës për Kontrollin e Forcave të Armatosura./rel

REKLAMË

REKLAMË

lajmet e fundit

Rastet e spiunazhit, Shala: Nuk bëhet fjalë vetëm për qytetarë serbë, por edhe për shqiptarë bashkëpunëtorë

Ish-gjyqtari i Gjykatës së Apelit, tash avokat, Hasan Shala, në emisionin FIVE, ka komentuar për rëndësinë e aktakuzës për spiunazh të ngritur nga Prokuroria...

Izet Mexhitit i ngatërohen numrat e korigjon Taravari, janë 25 shqiptarë jo 35

Zëvendëskryeministri Izet Mexhiti përmes një postimi më herët njoftoi se 35 shqiptarë kanë nisur me punë në spitalin e Tetovës dhe të Gostivarit, por...

Shkëndija e Haraçinës kalon në Ligën e dytë

Në ndeshjen e balotazhit që pati me Osogovën, Shkëndija e Haraçinës arriti të fitojë me rezultat 2:1. Kjo ndeshje ishte vendimtare për Shkëndijën, duke kaluar...

Erdogan takohet me presidentin e Sirisë, Ahmad al-Sharaa

Presidenti turk, Recep Tayyip Erdogan, u takua sot me presidentin sirian, Ahmad al-Sharaa, në Stamboll. Erdogan e priti al-Sharaan me një ceremoni zyrtare në Zyrën...

Lija e majmunit në Maqedoni, rasti i dytë ende nuk është paraqitur për kontroll

Personi i dytë i infektuar me linë e majmunit në Maqedoninë e Veriut ende nuk është paraqitur për kontroll në Klinikën Universitare për sëmundje...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu