Ministri i Punëve të Jahstme në Maqedoninë e Veriut, Bujar Osmani sot në mbledhjen e Komitetit të ministrave të Këshillit të Europës në Strazburg loboi për anëtarësimin e Kosovës në KiE. Osmani mes tjerash tha qytetarët e Kosovës “meritojnë të mbrohen nga konventa evropiane për të drejtat e njeriut”.
“Është me rëndësi të madhe që të mos i shmangemi përqafimit të anëtarëve të rinj që ndajnë vlerat dhe angazhimet tona. Prandaj ne vazhdimisht e kemi mbështetur përpjekjen e Kosovës për anëtarësim në Këshillin e Evropës dhe mirëpresim opinionin që u rekomandon Komitetit të ministrave që ta ftojë Kosovën për anëtarësim në organizatë. Ne besojmë se qytetarët e Kosovës meritojnë të mbrohen nga konventa evropiane për të drejtat e njeriut dhe instrumente të tjera dhe se anëtarësimi i hershëm do të lehtësojë vazhdimin e reformave dhe gjithashtu do të kontribuojë në stabilitetin dhe bashkëpunimin rajonal”, tha Osmani./TV21