Presidentja e Komisionit Evropian, Ursula von der Leyen, ka dërguar një mesazh të prerë për autoritetet në Shkup, duke theksuar se rruga evropiane e Maqedonisë së Veriut është në rrezik për shkak të mungesës së vullnetit politik për të përmbushur detyrimet e dakorduara me Bashkimin Evropian.
Von der Leyen deklaroi se Bashkimi Evropian “mbetet plotësisht pas Maqedonisë së Veriut në rrugën e saj drejt BE-së” dhe se “hapi i ardhshëm dhe i vetëm para hapjes së negociatave është i qartë – ndryshimi kushtetues”.
Ajo theksoi qartë se “topi është në fushën e Shkupit” dhe se “BE-ja është gati”, duke nënkuptuar se bllokimi i këtij procesi vjen pikërisht nga vetë qeveria aktuale VMRO–VLEN, e cila me politikat e saj të mbyllura e euroskeptike po pengon rrugëtimin evropian të vendit.
Mesazhi i Von der Leyen shihet si paralajmërim serioz ndaj tendencave anti-evropiane të koalicionit qeverisës, që përmes vonesave dhe kalkulimeve politike po e izolojnë vendin nga partnerët strategjikë evropianë.
