Sekretari organizativ dhe deputeti i BDI-së, Blerim Bexheti përmes një postimi ka akuzuar qeverisjen VLEN se po hesht rreth ndryshimeve në Ligjin për menaxhim me kriza, ku nuk do të jetë më drejtori i QMK ai që udhëheq me Shtabin Kryesor për menaxhim me kriza – siç ka qenë deri tani sipas nenit 25 – por një person që do ta caktojë vetë kryeministri, shkruan Top24
VLEN po hesht, pushteti po ikën nga duart!
Me ndryshimet e reja në Ligjin për menaxhim me kriza, nuk do të jetë më drejtori i QMK ai që udhëheq me Shtabin Kryesor për menaxhim me kriza – siç ka qenë deri tani sipas nenit 25 – por një person që do ta caktojë vetë kryeministri.
Çfarë do të thotë kjo në praktikë? Që drejtori i QMK që aktualisht vjen nga radhët e VLEN-it, nuk do të ketë më asnjë fjalë për menaxhimin e krizave në vend. Kompetencat që i takonin këtij institucioni, i merren dhe i kalohen një personi që e zgjedh Qeveria – domethënë, VMRO.
Pyetja është e thjeshtë:
A do ta mbështesë VLEN këtë ndryshim ligjor, vetëm që njerëzit e saj të mbeten në karrige, por pa kompetenca?
Nëse po, atëherë është e qartë: VLEN është veçse një dekor i pushtetit të VMRO-së, që nuk mbron as interesin publik, as funksionarët që vetë i ka propozuar.
Servilizmi i VLEN nuk vlen as për njerëzit e vet.
Po t’i kishin në konsideratë kuadrot e tyre, do ta mbronin institucionin dhe rolin e tyre në të. Por mesa duket, i rëndësishëm është vetëm pazari – jo funksioni, jo kompetencat, e aq më pak parimi.
Në vend që të udhëheqin, po i kthehen rolin e spektatorëve në një Qeveri që nuk i merr seriozisht as si partnerë, as si përfaqësues të qytetarëve shqiptarë.
Cfarë pune do të bën tani Muhamed Ali nga VLEN ?