BDI: Në ndërtesën që simbolizon Marrëveshjen e Ohrit dhe harmonia ndëretnike, u nderua Miroslav Dodik

Bashkimi Demokratik për Integrim tha se, mbrëmjen e kaluar, në ndërtesën që supozohet të të simbolizojë Marrëveshjen e Ohrit dhe harmoninë ndëretnike, u nderua Miroslav Dodik, së siç thotë BDI, është krahu i zgjatur i Putinit dhe njeri që punoi për ndarjen e Bosnje dhe Hercegovinës dhe njeriu që lavdërohet për masakrën çnjerëzore në Srebrenicë.

BDI tha se me këtë, çdo shqiptar dhe çdo qytetar u ndje i fyer, i poshtëruar dhe i tradhtuar ndërkohë që për Qeverinë, tha se, ka humbur çdo ndjenjë respekti ndaj historisë dhe sakrificave.

“Mbrëmë, çdo shqiptar dhe çdo qytetar me dinjitet në këtë vend u ndje i fyer, i poshtëruar dhe i tradhtuar.

Në një akt që tejkalon çdo kufi morali dhe logjike politike, në ndërtesën që supozohet të simbolizojë Marrëveshjen e Ohrit dhe harmoninë ndëretnike, u pranua dhe u nderua Miroslav Dodik – krahu i zgjatur i Vladimir Putinit, njeriu që punon për ndarjen e Bosnjë dhe Hercegovinës, dhe njeriu që lavdëron masakrën çnjerëzore të Srebrenicës.

Si është e mundur që njeriu i izoluar nga bota demokratike, që mbjell përçarje dhe urrejtje, të mirëpritet në mënyrë zyrtare nga një qeveri që pretendon se përfaqëson vlerat euroatlantike dhe paqen ndëretnike?

Çfarë mesazhi po dërgon kjo qeveri tek qytetarët shqiptarë, tek familjet e viktimave të gjenocideve, tek ata që ende besojnë në drejtësi dhe dinjitet?

Ky akt është një goditje e rëndë për Marrëveshjen e Ohrit.

Prania e Dodikut aty është një shuplakë për viktimat e Srebrenicës, për shqiptarët dhe për çdo qytetar që beson në lirinë dhe barazinë.

Është një mesazh që tregon se kjo qeveri përveç që pa legjitimitet, ka humbur edhe çdo ndjenjë respekti ndaj historisë dhe sakrificave tona.

Kjo është dita kur të gjithë ne u ndjemë të ofenduar.

Sot, të gjithë jemi të turpëruar. Dhe sot, të gjithë e kuptuam se ky pushtet ka shkelur çdo vijë të kuqe.

Ky turp nuk duhet të harrohet kurrë.

Ky është momenti kur duhet t’i kujtojmë vetes se dinjiteti nuk blihet dhe historia nuk falet.

Për ata që besojnë se mund të luajnë me ndjenjat dhe vlerat tona: e keni gabim.

Kjo do të mbahet mend dhe ne nuk do të ndalemi derisa të rikthejmë dinjitetin që sot u shkërmoq para syve tanë.

Sot, çdo shqiptar dhe çdo qytetar i ndershëm i këtij vendi neveritet nga kjo tradhëti ndaj vlerave dhe përcaktimeve tona si shoqëri”, tha BDI.

REKLAMË

REKLAMË

lajmet e fundit

Ambasadori Meidani në Tetovë: Mbështetje për lirinë e medias, nga Qendra Informative ku punon gazetari i ndëshkuar nga pushteti

Tetovë, 15 Korrik 2025 – Ambasadori i Republikës së Shqipërisë në Maqedoninë e Veriut, Sh.T. Denion Meidani, vizitoi sot Qendrën Informative në Tetovë,...

ASH Taravari: VLEN po mashtron, 99 maqedonas, 21 shqiptarë me kontrata afatshkurtra në dogana, jo punësime

Aleanca për Shqiptarët (ASH) reagon siç thuhet “me shqetësim ndaj deklaratave të bëra sot nga përfaqësues të grupimit politik FLEN, lidhur me të ashtuquajturat...

T’i bësh të dashurit masazh rrit dashurinë me 20%

Një studim i fundit ka zbuluar se çiftet që i bëjnë njëri-tjetrit masazh përjetojnë një rritje prej 20% të ndjenjave të dashurisë dhe afërsisë....

Qesharake: Kryetari i Shtimes krenohet me pak asfalt pranë sallonit për të pame në këtë komunë: Investim që sjell ndryshim

Kryetari i Komunës së Shtimes, Qemajl Aliu, është krenuar me pak metra asfalt që është shtruar pranë sallonit për të pame në këtë komunë. Ndonëse...

VLEN: Dogana po flet shqip, 21 punësime të reja për qytetarët shqiptarë!

VLEN përmes një komunikate thekson se sot Drejtoria e Doganave të Maqedonisë së Veriut ka realizuar 21 punësime të reja, me ç’rast qytetarët shqiptarë...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu