Tetovë, 6 Korrik 2025 – Nënkryetari i Bashkimit Demokratik për Integrim (BDI) dhe njëherit shef i shtabit politik të kësaj partie në Tetovë, Bajram Rexhepi, ka reaguar ashpër ndaj zhvillimeve të fundit në këtë komunë, duke akuzuar kryetarin aktual Bilall Kasami për përfshirje indirekte në atë që e cilëson si “krimin më të madh të përvetësimit të pronës publike”.
Përmes një video-postimi të publikuar sot, Rexhepi theksoi se “me aminin e Bilall Kasamit, në Tetovë po fshihet një histori e larë me gjak, nën hijen e një krimi të rëndë që ka të bëjë me përvetësimin e pronës publike”.
“Bilall, koha e llogaridhënies po vjen…”, u shpreh Rexhepi në mesazhin e tij, duke paralajmëruar se do të kërkohet përgjegjësi për veprimet e pretenduara që, sipas tij, po dëmtojnë interesin qytetar dhe historinë e qytetit.
Reagimi i Rexhepit vjen në një moment kur tensionet politike në Tetovë janë në rritje, veçanërisht në prag të përgatitjeve për zgjedhjet lokale dhe mes akuzash të ndërsjella për keqpërdorim të pushtetit.
🔗 #eVërtetaPërTetovën
🔗 #MjaftMë