Deputetja e PDK’së, Ganimete Musliu ka folur lidhur me rastin për ‘Atentatin’ në Shkup, për të cilin u aludua se ky informacion u konfirmua nga anëtarë të Komisionit për Mbikqyrjen e AKI’së. Musliu në një lidhje direkte në emisionin ‘Pressing’ në T7 tha se për këtë çështje, redaktori I RTK’së, Jeton Musliu do të duhej të ftohej në intervistim nga Prokuroria.
“Kur ka qenë cështja për atentatin e mundshëm në shkup, I është thënë prej Rilind Gervallës që këtë lajm ia ka konfirmu një anëtar i Komisionit për Mbikqyrjen e AKI’së, aludimi është te anëtarët e VV’së. Komisioni Parlamentar ka rol demokratik. Unë nuk mund të merrem me kolegët e mi deputetë, mirëpo në momente të tilla nëse supozohet që është dekonspru një informacion top secret, unë konsideroj që Jeton Musliu në këtë rast do të duhej të ftohej nga Prokuria për intervistë, e ti tregojë Prokurorisë kush e ka shpërnda lajmin, pastaj Prokuroria ka të drejtë të merret me secalin deputet”, tha ajo.