Arsovska shpërthen ndaj Qeverisë: mjaft më filozofuat, veproni kundër krimit urban në Çair!

Kryetarja e Qytetit të Shkupit, Danella Arsovska, ka reaguar ashpër ndaj Ministrisë së Brendshme dhe Qeverisë, duke i akuzuar për mosveprim dhe përpjekje për të shmangur përgjegjësinë për rastet e ndërtimit të paligjshëm në komunën e Çairit, përcjell Nistori.

Në një deklaratë publike, Arsovska theksoi se institucionet shtetërore, përfshirë Ministrinë e Brendshme, po vazhdojnë të “filozofojnë”, në vend që të veprojnë konkretisht përballë aktiviteteve kriminale në terren.

Ajo denoncoi se në zonën problematike janë gjetur punëtorë të punësuar drejtpërdrejt nga autorët e ndërtimit të paligjshëm, të cilët paguhen me para në dorë për të mbuluar dëmet e shkaktuara në infrastrukturën publike, përfshirë bulevardin, rrjetin e ujësjellësit, kanalizimet dhe kabllot e tensionit të lartë.

“I bëjmë thirrje Qeverisë dhe Ministrisë së Brendshme që të ndalojnë së “filozofuari” dhe të fillojnë punën, ka më shumë se mjaftueshëm prova, informacione dhe argumente që mund t’i ndihmojnë në hetim për të ngritur kallëzime penale si detyrë e tyre zyrtare për të siguruar llogaridhënien e autorëve.”, deklaroi Arsovska, duke shtuar se Qyteti i Shkupit ka marrë të gjitha masat e nevojshme dhe ka shqiptuar gjobat më të larta të mundshme, ndërsa rasti është raportuar te institucionet kompetente.

Ajo i bëri thirrje Komunës së Çairit dhe Inspektoratit Shtetëror të Ndërtimit që të ndërhyjnë menjëherë për të rrënuar ndërtimet pa leje dhe për të rikthyer zonën në gjendjen e mëparshme.

Në përfundim, kryetarja kërkoi nga Ministria e Brendshme që të identifikojë autorët dhe të nisë procedura penale: “Ka më shumë se mjaft prova dhe argumente për të vepruar. Mjaft më me filozofime – është koha për përgjegjësi dhe veprim.”

E para e Shkupit Danella Arsovska, ditë më parë ishte në terren në rolin e inspektores për të kontrolluar ndërtimet pa leje në Çair. Akuzoi kreun e Komunës Visar Ganiun, dhe këshilltarët e Shkupit nga radhët e VMRO DPMNE-së dhe VLEN-it se ata janë fajtorë për situatën e krijuar me Higjienën Komunale dhe transportin publik në Shkup. /Nistori/

REKLAMË

REKLAMË

lajmet e fundit

Medai Shaholli: Me Mickon përpara!

Me Mickon përpara! Ky është premieri më i "zgjuar" "Severnës" me eskortën e tij prej komitëve bashkë me titistët e rinj nga ZNAM-i e VREDI,...

PDSH si opsion për hyrje në Qeveri me një zvministër dhe disa drejtori?!

Burime qeveritare bëjnë të ditur për INA se Partia Demokratike Shqiptare (PDSH) është opsion për t’u bërë pjesë e Qeverisë. Nga partia e Menduh Thaçit...

Kthehet kaosi me transportin publik në Shkup, autobusët privatë s’janë në qarkullim

Që nga orët e mëngjesit mijëra qytetarë kanë mbetur rrugëve të Shkupit në pritje të transportuesve privat në temperatura mbi 34 gradë celsius. Siç...

Garip Kaba: Çdo pushtet është i përkohshëm, por turpi i padrejtësisë është i përjetshëm

Nënkryetari i Aleancës për Shqiptarët, Garip Kaba, ka publikuar një mesazh të ashpër ndaj pushtetit aktual, duke theksuar se padrejtësitë ndaj shqiptarëve do të...

Blerim Bexheti: VLEN po hesht, pushteti po ikën nga duart!

Sekretari organizativ dhe deputeti i BDI-së, Blerim Bexheti përmes një postimi ka akuzuar qeverisjen VLEN se po hesht rreth ndryshimeve në Ligjin për menaxhim...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu