Një sondazh i realizuar nga MKD.mk dhe Market Vision nxjerr rejtingun e partive politike dhe liderëve politikë në Maqedoninë e Veriut.
Sa i përket liderëve, kreu i VMRO-DPMNE-së, Hristijan Mickoski, ka besimin më të madh të qytetarëve, me 25,4% të mbështetjes.
Pas tij renditen Ali Ahmeti me 6,2%, ndërsa vendin e tretë e ndajnë Arben Taravari nga ASH dhe Venko Filipçe i LSDM me nga 3,8%, më pas vijojnë Dimitar Apasiev me 2,7%, dhe Maksim Dimitrievski me 2,4%, Izet Mexhiti 2.1
Në anën tjetër, një përqindje e madhe e qytetarëve (rreth 50%) deklarojnë se ose nuk kanë besim tek asnjë lider, nuk dinë të përgjigjen ose nuk duan të përgjigjen.
Sa i përket mbështetjes për partitë politike në rast se zgjedhjet do të mbaheshin sot, VMRO-DPMNE do të fitonte bindshëm me 51,7% të votave.
Më pas renditen BDI me 12,1%, SDSM me 10,9%, Koalicioni “VLEN” në total me 13%, ku përbëhet nga Aleanca për Shqiptarët ( me 5,8%), BESA (2,6%), Lëvizja Demokratike (3,6%) dhe Alternativa (1%).
Pas tyre vijnë Levica me 6,4% dhe ZNAM me 5%.
Ky sondazh tregon një epërsi të qartë të VMRO-DPMNE-së dhe një fragmentim të madh në kampin opozitar dhe atë shqiptar.
Sondazhi u realizua nga MKD.mk dhe Market Vision, në periudhën nga 20 mars deri më 17 prill 2025.(INA)