Dy milionë banorë të Gazës po përjetojnë “nivele të rënda të pasigurisë akute ushqimore”, tha Sekretari amerikan i Shtetit Antony Blinken, shkruan BBC, transmeton gazeta online Reporteri.net.
Kjo ishte hera e parë që një popullsi e tërë ishte klasifikuar kështu.
Blinken i bëri thirrje Izraelit që t’i jepte përparësi sigurimit të atyre në nevojë.
OKB-ja ka thënë se veriu i Gazës mund të përballet me mungesë të madhe buke madje deri në muajin maj nëse nuk ka ndërprerje të luftimeve dhe rritje të ndihmave.
Paralajmërimi i Blinkenit erdhi gjatë një udhëtimi në Filipine, ndërsa zyrtarët amerikanë njoftuan se ai do të udhëtonte në Lindjen e Mesme, udhëtimi i tij i gjashtë në rajon që nga tetori, ndërsa përpjekjet për të siguruar një armëpushim vazhdojnë./Reporteri.net/.