Një ngjarje e rëndë u shënua pak ditë më parë në një prej kopshteve të Elbasanit ku një edukatore ushtronte dhunë ndaj një të mituri të diagnostikuar me spektrin e autizmit. Kopshti ku shkonte 5-vjeçari ishte nën administrimin e bashkisë Elbasan.
Rasti u denoncua nga familjarët, pasi edukatorja u kishte thënë fëmijëve të tjerë të kopështit që të reagonin fizikisht ndaj 5-vjeçarit pasi sipas saj, ai kishte sjellje të dhunshme në klasë.
Edukatorja u procedua penalisht nga policia pasi ushtroi dhunë ndaj fëmijës, teksa në reagimin për media të bashkisë shkruhet se 5-vjeçari shfaqte sjellje të dhunshme duke justifikuar në një farë forme dhunën e ushtruar.
“Rasti është referuar nga prindërit në 26 tetor pasdite, kur sipas tyre, fëmijët pretendojnë se edukatorja i ka nxitur të reagojnë ndaj 5-vjeçarit autik, i cili herë herë shfaq hiperaktivitet dhe sjellje të dhunshme”,-shkruan bashkia në reagim.