Deputetët e OBRM-PDUKM, VLEN-it dhe ZNAM-it i paraqitën sot Kuvendit një Iniciativë për formimin e një Komisioni Hetimor për të përcaktuar rrethanat e veprimeve të institucioneve në lidhje me tragjeditë dhe aksidentet në vend.
Qëllimi i këtij Komisioni Hetimor, siç deklaroi në një konferencë për shtyp deputeti Bojan Stojanoski nga OBRM-PDUKM, është të përcaktojë përgjegjësinë e zyrtarëve, bartësve të funksioneve publike dhe personave të tjerë të lidhur, si dhe të përcaktojë rrethanat e veprimeve të institucioneve në lidhje me zjarrin në diskotekë në Koçan, zjarrin në spitalin modular në Tetovë, aksidentin e trafikut të “Durmo Turs” në Llaskarcë dhe aksidentin e trafikut të “Besa Trans” në Bullgari.
Stojanoski tha se iniciativa është nënshkruar nga 77 deputetë dhe se kjo është provë se ata nuk duan t’i politizojnë këto ngjarje tragjike, por se duan t’u ndihmojnë të prekurve të marrin drejtësi.
“Të gjitha pyetjeve duhet t’u jepet përgjigje, dhe të gjitha rastet duhet të marrin epilogun e nevojshëm”, tha Stojanoski.