Lista e Pavarur “Merko” drejt hyrjes në Qeveri!
Janë ofruar dy drejtori të mëdha në nivel qendror, ndërsa në zgjedhjet parlamentare të vitit 2028, Merko pritet të ketë deputet në njësinë e pestë zgjedhore!
Lista e Ramiz Merkos është shumë afër pjesëmarrjes në Qeverinë e re të Maqedonisë së Veriut, me ofertë për disa pozicione kyçe.
Burime të sigurta pranë “Merko”-s theksojnë se bisedimet janë në fazë të avancuar dhe shumë pranë arritjes së një marrëveshjeje midis listës dhe partnerëve qeveritarë.
Sipas burimeve, bisedimet nga pala qeveritare po i udhëheq zëvendëskryeministri i parë dhe fituesi në Çair, z. Izet Mexhiti, së bashku me një përfaqësues politik të listës “Merko”.
Pjesë e këtyre diskutimeve janë edhe zgjedhjet parlamentare të vitit 2028, ku pritet që bartës të listave të jenë kandidatë nga lista të pavarura, si p.sh. Shkodran Alili e të tjerë.
Oferta qeveritare për pozicionet:
Janë në lojë dy opsione:
➡️ Drejtoria për Inteligjencë Financiare dhe Posta e Maqedonisë.
➡️ Zëvendësdrejtor në Drejtorinë e të Ardhurave Publike (UJP) – pasi zëvendësdrejtori aktual pritet të kandidojë për kryetar të Dibrës – dhe Drejtori i Inspektoratit Shtetëror të Ndërtimtarisë.
Kandidatët për pozicionet kryesore:
Burime pranë listës “Merko” theksojnë disa emra që janë në garë serioze për këto poste:
• Profesori universitar dhe biznesmeni Guksimtar Rushani,
• Kandidati për këshilltar dhe drejtori aktual i Postës në Strugë, Krenar Biba, i vlerësuar si më merituesi për suksesin e listës,
• Profesori universitar Abedin Trena,
• Albion Dalipi,
• Dhe kryetari i Podgoricës, z. Adem Ajdaroski.
Formalizimi i këtij marrëveshjeje pritet në fund të javës, pasi z. Mexhiti do të qëndrojë në vizitë zyrtare në qytetin e Strugës, ku pritet të jepet edhe deklarata zyrtare e mbështetjes për kandidatin e pavarur për kryetar të Strugës nga lista “Merko”.
