Nënkryetari i Aleancës për Shqiptarët, Krenar Lloga, ka reaguar pas publikimit të rezultateve përfundimtare nga Komuna e Strugës, ku subjekti Aleanca Kombëtare për Integrim (AKI) ka dalë fitues i parë me 7,587 vota, që përbën 28,80% të votave të përgjithshme.
Sipas rezultateve zyrtare, lista e udhëhequr nga Fatoni ka siguruar tetë këshilltarë komunalë, duke u renditur dukshëm përpara Koalicionit VLEN, i cili ka marrë vetëm 4,056 vota ose 15,41%.
Në reagimin e tij, Lloga ka theksuar se ky rezultat është “baza më e mirë për fitoren e Dr. Arsimit pas dy javësh”, duke nënvizuar se pason një periudhë e re angazhimi për qytetin e Strugës.
“Na presin dy javë plot sfida e punë për Strugën, #bashkë do ja dalim,” – ka shkruar Lloga.
Rezultati i AKI-së në Strugë shihet si një fitore e qartë politike dhe një sinjal i fortë për raundin e ardhshëm të zgjedhjeve lokale.