Ky shkëmbim i tensionuar, sipas burimeve amerikane, tregon për mospërputhjet e vazhdueshme mes dy liderëve
Sipas një raportimi të gazetarit Barak Ravid për “Axios”, presidenti amerikan Donald Trump dhe kryeministri izraelit Benjamin Netanyahu kanë pasur një përplasje verbale pas përgjigjes së Hamasit ndaj propozimit amerikan për paqe në Gaza.
Hamas iu përgjigj planit me një “po, por”, që në Washington u interpretua si një sinjal progresi drejt një marrëveshjeje të mundshme. Megjithatë, Netanyahu e ka parë krejt ndryshe.
“Bibi i tha Trump-it se kjo nuk është arsye për t’u gëzuar dhe se nuk do të thotë asgjë”, tha një zyrtar amerikan për “Axios”.
Trump, i irrituar nga skepticizmi i kryeministrit izraelit, i është kundërpërgjigjur: “Nuk e di pse je gjithmonë kaq negativ. Kjo është një fitore. Pranoje”.
Ky shkëmbim i tensionuar, sipas burimeve amerikane, tregon për mospërputhjet e vazhdueshme mes dy liderëve lidhur me mënyrën se si duhej menaxhuar konflikti në Gaza dhe qasja ndaj Hamasit.