Pas sulmeve në Katar, Berlini pritet të votojë pro Deklaratës së New York-ut për dy shtete
Qeveria gjermane ka vendosur të mbështesë një propozim francez për zgjidhjen me dy shtete të konfliktit izraelito-palestinez, duke u shkëputur nga qëndrimet e SHBA-ve dhe Izraelit.
Sipas Bloomberg, Gjermania do të votojë pro një rezolute të OKB-së këtë të premte, që miraton Deklaratën e New York-ut, e përkrahur nga Franca dhe Arabia Saudite, e cila mbështet krijimin e një shteti palestinez dhe të drejtën e kthimit për refugjatët palestinezë.
Ndërsa Franca dhe Britania janë për njohjen e menjëhershme të shtetit palestinez, Gjermania ende nuk e ka ndërmend këtë hap.
Sulmet izraelite në kryeqytetin e Katarit kanë nxitur reagime të forta në Evropë, përfshirë edhe nga Berlini.
Megjithatë, qëndrimi gjerman mbi të drejtën e kthimit të refugjatëve mbetet i pandryshuar, raporton Bloomberg