Selimi: Kollaj të premtohet, vështirë të mbahet fjala kur nuk ke peshë!
Analisti politik Sefer Selimi ka reaguar pas publikimit të lajmit se nxënësit shqiptarë të fshatit Nerovë në Komunën e Krushevës e kanë nisur vitin shkollor në godinën e vjetër, ndonëse ishin dhënë premtime se do të mësonin në objektin e ri shkollor.
“Kollaj është të premtohet, por vështirë është të mbash fjalën kur ti nuk ke peshë!”, ka shkruar Selimi, duke kritikuar drejtuesit e grupacionit VLEN për mosrealizimin e zotimeve të bëra para opinionit publik.
Ai ka kujtuar gjithashtu reagimin e ashpër që eksponentë të partive shqiptare në qeverinë e Mickoskit patën ndaj ambasadorit të Shqipërisë, Denion Meidani, kur ky ngriti shqetësimin për kushtet e mësimit të fëmijëve shqiptarë në këtë fshat.
“U ngritën në këmbë i madh e i vogël brenda partive shqiptare në qeverinë e Mickoskit për ta kritikuar ambasadorin e Shqipërisë, Denion Meidani, pse u angazhua institucionalisht për këta fëmijë shqiptar. Tash? Heshtje…”, ka theksuar Selimi.
Reagimi i tij vjen pas shqetësimeve të ngritura edhe nga Aleanca për Shqiptarët, e cila e ka quajtur skandal faktin që nxënësit shqiptarë vazhdojnë të mësojnë në kushte të papërshtatshme, duke e cilësuar këtë si dështim të njëpasnjëshëm të VLEN-it