Njëri nga themeluesit e LD-së në njërën nga degët më të fuqishme të kësaj partie, Muhamet Ameti nga Tetova i cili ishte krahu i djathtë i Izet Mexhitit sot në përvjetorin e dytë të LD-së përmes një postimi edhe publikisht i ka kërkuar Mexhitit ose të krijohen strukturat ose LD mbetet veç një emër që kujton atë çfarë mund të kishte qenë, por nuk u bë kurrë, shkruan Top24
Sot është 13 gushti – dita kur u themelua Lëvizja Demokratike, para dy vitesh.
E them me respekt për të gjithë ata që dhanë zemrën dhe përkushtimin në atë fillim, por edhe me ndershmëri:
Dy vite janë shumë – për të mos pasur ende struktura.
Për të mos pasur ende organe.
Për të mos pasur drejtim të qartë.
Rinia ka shpresuar. Qytetarët kanë besuar.
Por pritjet nuk mund të zgjasin pafund.
Ky nuk është një urim i zakonshëm.
Ky është një thirrje e drejtpërdrejtë:
Ose veprojmë seriozisht – ose e mbyllim me nder!
Sepse populli nuk ka më durim për premtime boshe.
Nuk ka më besim për iluzione politike.
Le të jetë ky përvjetori i fundit pa organe.
I fundit pa llogaridhënie.
I fundit me fjalë, por pa vepra.
Nëse Lëvizja Demokratike nuk organizohet, nuk është më lëvizje.
Është veç një emër që kujton atë çfarë mund të kishte qenë, por nuk u bë kurrë.