Aktivisti i njohur i OJQ-ve të financuara nga fondacionet e George Soros, Rron Gjinofci, ka shpërndarë në rrjetet sociale një status provokues ku sulmon simbolet kombëtare dhe historinë e luftës çlirimtare të Kosovës. Në një gjuhë ofenduese dhe përçarëse, Gjinofci ka akuzuar Shqipërinë si “çudovishte” që historikisht ka tradhtuar Kosovën, duke listuar periudha të caktuara historike sipas versionit të tij personal.
Në statusin e tij, ai pretendon se një shtetas shqiptar “ka ardhur të shkelë flamurin” e Kosovës, duke përmendur emra të heronjve dhe sportistes Majlinda Kelmendi si pronë ekskluzive e një narrative që ai vetë shpik. Ai injoron faktin historik se UÇK-ja dhe forcat çlirimtare kanë luftuar nën flamurin kuqezi – simbol i përbashkët kombëtar i shqiptarëve kudo.
Ky lloj diskursi jo vetëm që përpiqet të rishkruajë historinë, por nxit edhe përçarje mes shqiptarëve në Kosovë dhe Shqipëri. Në vend që të kontribuojë për unitetin kombëtar, Gjinofci zgjedh të promovojë ndasi, duke përdorur një gjuhë që shkon në shërbim të agjendave të huaja dhe jo interesave të shqiptarëve.