në Maqedoninë e Veriut, ku u përdorën fjalë të rënda e skandaloze kundër shqiptarëve. Ai akuzon drejtpërdrejt Kryeministrin e Kosovës, Albin Kurti, për heshtje bashkëfajtore ndaj një klime në rritje të urrejtjes.
“Ndryshimi” që e solli Albin Kurti në Maqedoni të Veriut po flet vetë me klithmat shurdhuese, tha Haradinaj, duke renditur thirrjet raciste që u dëgjuan:
“Dhoma gazi për shqiptarët”;
“Shqiptari i mirë është vetëm shqiptari i vdekur”;
“Maqedoni e pastër (pa shqiptarë)”;
“Shqiptarët e mallkuar ta dijnë se emri Maqedoni nuk zhduket”.
Haradinaj thekson se kjo nuk është më thjesht gjuhë urrejtjeje nga tribuna, por një klimë e rrezikshme që po kultivohet përmes heshtjes së atyre që kanë ndikim politik. Ai e quan Kurtin “kumbara i koalicionit qeverisës në Maqedoninë e Veriut” dhe shprehet i shqetësuar që, përballë thirrjeve të tilla të tmerrshme, s’ka pasur asnjë fjalë, asnjë reagim zyrtar nga Prishtina.
Kjo deklaratë shton presionin ndaj lidershipit kosovar për të reaguar publikisht dhe me qëndrim të qartë, në një kohë kur shqiptarët në Maqedoninë e Veriut po ndihen gjithnjë e më të përjashtuar dhe të sulmuar verbalisht, madje edhe institucionalisht.