FRASH merr pjesë në Akademinë për Debate Politike të mbështetur nga WFD
U zhvillua Akademia për Debate Politike, një seminar tre-ditor i mbështetur nga Westminster Foundation for Democracy (WFD), me fokus në përmirësimin e aftësive të komunikimit publik, paraqitjen para mediave dhe zhvillimin e debatit të argumentuar ndërpartiak.
Në këtë aktivitet morën pjesë përfaqësues nga parti të ndryshme politike, ndërsa Lëvizja FRASH, e udhëhequr nga Ziadin Sela, u përfaqësua nga Armend Reçi dhe Blerian Imeri.
Pjesëmarrësit trajnuan teknika të avancuara të debatit, ndërtimit të argumenteve dhe komunikimit efektiv në hapësira publike dhe mediatike.
Në përmbyllje të seminarit, u vendos që gjatë muajit shtator të organizohen debate publike ndërpartiake, ku përfaqësuesit e të gjitha partive do të diskutojnë mbi temat që u trajtuan gjatë trajnimit, duke sjellë më afër qytetarëve vizionet dhe qëndrimet politike të secilit grup.
Ky aktivitet konsiderohet si një hap i rëndësishëm drejt rritjes së kapaciteteve të reja politike dhe nxitjes së kulturës demokratike në vend.