Ukraina sulmon brenda Rusisë me qindra dronë, ushtria ruse pretendon se ka rrëzuar mbi 100 prej tyre
Ministria ruse e Mbrojtjes ka deklaruar të premten se mbrojtja ajrore ka shkatërruar 105 dronë ukrainas në të gjithë territorin rus midis natës së së enjtes dhe mëngjesit të së premtes.
SIpas raportimit të The Moskow Times, shumica e dronëve janë kapur mbi rajonet që kufizohen me Ukrainën në pjesën perëndimore dhe jugore të Rusisë, përfshirë Bryansk, Rostov, Krasnodar, Kursk, Voronezh dhe Belgorod. Ndërsa në rajonin e Belgorodit, autoritetet kanë njoftuar se të paktën katër persona janë plagosur nga sulmet ukrainse me dron gjatë 24 orëve të fundit.
Përderisa Ukraina ka intensifikuar sulmet Brenda Rusisë, bëhet e ditur se aeroportet në pjesën jugore të vendit po përballen me kufizime të përkohshme në fluturime, përfshirë në qytetin bregdetar të Detit të Zi, Soçi, ku dhjetëra nisje dhe mbërritje janë shtyrë.