Aleanca për Shqiptarët, krahu i Arben Taravarit, theksojnë se po bëhet një diskriminim sistematik ndaj institucioneve arsimore shqiptare dhe një përjashtim të qëllimshëm nga projektet, fondet dhe zhvillimi strategjik i arsimit në vend.
Nga atje thonë se ka diskriminim të hapur ndaj universiteteve dhe shkollave shqiptare.
Në konkursin për financimin e projekteve kërkimore shkencore me interes të veçantë shkencor dhe publik për vitin 2025 (30.4 milion denarë):
4 projekte i takojnë Universitetit “Shën Kirili dhe Metodi” të Shkupit
1 projekt Universitetit “Goce Dellçev” të Shtipit,
0 projekte për Universitetin e Tetovës apo Universitetin “Nënë Tereza”.
Në konkursin për ndarjen e fondeve për financimin e projekteve kërkimore shkencore të Institucioneve Shkencore Publike (23.7 milion denarë):
7 institute maqedonase (instituti për gjuhën maqedonase, kulturën sllave, literaturën maqedone, historinë nacionale).
Vetëm një projekt për Institutin e Trashëgimisë Shpirtërore e Kulturore të Shqiptarëve, me një shumë prej vetëm 2.9 milion denarë.
Realizimi i projekteve infrastrukturore me njësitë e vetëqeverisjes lokale (135 milion denarë):
Financohet ndërtimi i objekteve arsimore në komuna maqedonase: Kisella Vodë, Manastir dhe Vallandovë”, akuzojnë nga ASH.
ASH kërkon financim të drejtë për të gjitha universitetet dhe shkollat publike, pa diskriminim etnik. Rishikim të reformave me përfshirje të komunitetit akademik shqiptar dhe të gjitha bashkësive.