Kryetari i Kuvendit të ASH-së, Ziadin Sela theksoi se kuvendi i sotëm ka vendosur për shkarkimin e kryetarit të partisë, Arben Taravari.
“Kuvendi i partisë me propozim të shumicës së kuvendarëve propozoi inicativën për shkarkimin e kryetarit, që do të bëhet përmes kongresit partiak”, theksoi Sela.
Sipas tij, Kuvendi me 106 vota për, 1 kundër dhe 1 abstenim mori inicaitivë për shkarkimin e kryetarit, ashtu siç parasheh statuti i partisë.
“Një vendim tjetër pas kësaj është thirrja e kongresit, që u thirr nga ana e kuvendit për kongres të jashtëzakonshëm ku duhet të marrë formë shkarkimi i kryetarit të partisë”, theksoi Sela.
“Më datë 18 shkurt do të mbahet kongresi i partisë dhe aty do t’i jepet formë shkarkimit të partisë, Arben Taravari. Ai po ashtu tha se me shumë gjasa Aleanca për Shqiptarët do të shkojë e vetme në zgjedhje”, deklaroi Sela.
Por, kryetari i Aleancës për Shqiptarët, Arben Taravari thotë se përpjekjet e BDI-së dhe skenaristit Grubi për defokusim dështuan.
“Kauza jonë është Ndryshimi! Përpjekjet e BDI-së dhe skenaristit Grubi për të na defokusuar tek kinse “e kujt është partia” janë të dështuara. Prej sot nuk merremi më me këtë gjë. Kushdo që ka ankesa le t’i drejtohet Gjykatës. Kauza Jonë është Ndryshimi që Ka Nis! 8 maji afron çdo ditë e më shumë!”, ka shkruar Taravari. (INA)