Deputeti i Frontit për Europë, Blerim Bexheti përmes një postimi ka reaguar ndaj kryeministrit Hristjan Mickovski i cili potencoi se votat e VMRO-DPMNE-së do të jenë vendimtare në zgjedhjet lokale se kush do të fitoj në bllokun shqiptarë. Në reagimin etij Bexheti shkruan se Mickovski po na e bën me die se votat e shqiptarëve nuk vlejnë dhe se ai do të na i zgjedhë kryetarët e komunave ndërsa haron se Maqedonia nuk ështëm pronë private e “vullnetit maqedonas”, por shtëpi e përbashkët e shqiptarëve dhe maqedonasve!, shkruan Top24
Mickoski dhe VMRO përsëri na rikujtojnë se, sipas tyre, vota e shqiptarëve qenka vetëm për dekor dhe nuk vendos asgjë!
Sipas tyre, nuk vendos populli shqiptar e vota e tij se kush do ta përfaqësojë, por vendoska “vullneti i VMRO-së”!
Por ndoshta kanë harruar se ky shtet nuk është pronë private e “vullnetit maqedonas”, por shtëpi e përbashkët e shqiptarëve dhe maqedonasve!
Në tetor, vota shqiptare do t’u kujtojë se populli shqiptar nuk është statist, por protagonist. Përfaqësuesit i zgjedh populli, jo “vullneti i VMRO-së” që zgjedh vasalët e saj!
Më pak mendjemadhësi, më shumë respekt për votën e sovranit se ky shtet nuk mbahet me vullnetin e vetëm një populli, por edhe të shqiptarëve!
Shqiptarët nuk janë dekor. Janë shtyllë e këtij shteti. Dhe këtë do ta mësoni, nëse jo më herët, atëherë në tetor!
Për këtë nuk do mund t’ju ndihmojnë as “puthadorët “ e sojit të Izetit, Bilallit dhe Zekirjait!