Sipas të dhënave nga Drejtoria e Përgjithshme e Autoritetit Shtetëror të Aeroporteve (DHMI), aeroportet e Stambollit kanë pritur 49.9 milionë pasagjerë në pesë muajt e parë të vitit,.
Numri i pasagjerëve u rrit me 2.5 milionë krahasuar me të njëjtën periudhë të vitit të kaluar.
Nga 49.9 milionë pasagjerë, 31.8 milionë përdorën Aeroportin IGA të Stambollit, prej të cilëve rreth 6.8 milionë udhëtuan me fluturime vendase, ndërsa 25.5 milionë me fluturime ndërkombëtare.
Në të njëjtën periudhë të vitit të kaluar, 31.2 milionë pasagjerë përdorën Aeroportin IGA të Stambollit, prej të cilëve 6.6 milionë udhëtuan me fluturime vendase dhe 31.2 milionë me fluturime ndërkombëtare.
Ndërkohë, Aeroporti Sabiha Gökçen në anën e Anadollit të Stambollit transportoi 18 milionë pasagjerë nga janari deri në maj, prej të cilëve 7.7 milionë ishin pasagjerë vendas dhe 10.3 milionë ishin pasagjerë ndërkombëtar.
Në pesë muajt e parë të vitit të kaluar, ky aeroport priti 16.1 milionë pasagjerë, prej të cilëve 5.7 milionë në fluturime vendase dhe 8.5 milionë në fluturime ndërkombëtare.
Numri i fluturimeve në të dy aeroportet gjithashtu u rrit nga janari deri në maj, pasi fluturimet e Aeroportit IGA arritën 212.978, prej të cilëve 46.257 ishin vendase dhe 166.721 ndërkombëtare, respektivisht 5.124 fluturime më shumë krahasuar me të njëjtën periudhë të vitit të kaluar.
Numri i fluturimeve në Aeroportin Sabiha Gökçen në pesë muajt e parë të këtij viti arriti në 105.278, duke shënuar një rritje prej 8.315 fluturimesh. Nga numri total, 61.410 ishin fluturime vendase dhe 105.278 ishin ndërkombëtare.
Ndërkohë, Aeroporti Ataturk i Stambollit, një aeroport ekzekutiv në anën evropiane të Stambollit, i hapur vetëm për avionë privatë, regjistroi 10.8 milionë fluturime në të njëjtën periudhë.
Aeroportet e Stambollit operuan 329.141 fluturime në pesë muajt e parë të vitit 2025, nga 315.593 të operuara në të njëjtën periudhë të vitit të kaluar.