Presidenti amerikan Donald Trump ka shkaktuar polemika të mëdha pas publikimit të një videoje 60 sekondëshe në rrjetet sociale, ku shfaqen avionë luftarakë amerikanë B-2 duke lëshuar bomba në qiell.
Ajo që ka tronditur më shumë është kolona zanore e videos: një version i parodizuar i këngës së njohur “Barbara Ann” nga grupi legjendar Beach Boys, ku fjala “Barbara Ann” është zëvendësuar me frazën “bomb Iran” (“bombardoni Iranin”).
Videoja është parë si një mesazh provokues në një moment tensioni të rritur mes SHBA-së dhe Iranit. Kritikët e kanë cilësuar postimin si të papërgjegjshëm dhe nxitës, ndërsa përkrahësit e Trumpit e kanë interpretuar si një sinjal force ndaj kundërshtarëve të Amerikës..
Deri tani, nuk ka asnjë reagim zyrtar nga Shtëpia e Bardhë apo Pentagoni për këtë video. Ndërkohë, autoritetet iraniane ende nuk kanë komentuar.