Krasniqi u zotua se do të angazhohet për ta rikthyer PDK-në si partinë e parë në vend
Memli Krasniqi, është rizgjedhur kryetar i Partisë Demokratike të Kosovës.
Të shtunën në Konventën e Përgjithshme të PDK-së – e 11-ta me radhë – Krasniqi ka falënderuar delegatët e pranishëm për besimin e dhënë, për të vazhduar së bashku punët e mira për Kosovën.
“Faleminderit shumë, për besimin. Faleminderit për mbështetjen. Faleminderit që nderin dhe përgjegjësinë më të madhe jetësore ma dhatë edhe sot sepse kur jam bashkuar për herën e parë në PDK në pranverën e vitit 2004 nuk e kam ëndërruar e as nuk e kam pasur ambicie të jem kryetar i partisë së Hashim Thaçit dhe Kadri Veselit”, tha lideri i PDK-së.
Krasniqi u zotua se do të angazhohet për ta rikthyer PDK-në si partinë e parë në vend.
“Krejt çka di dhe krejt çka mundem do ta bëj për ta rikthyer Partinë Demokratike të Kosovës aty ku e ka vendin, si partinë më të madhe dhe udhëheqëse të Republikës së Kosovës”, tha Krasniqi.
Ai ishte i vetmi kandidat për kryetar të PDK-së. Krasniqi e mori udhëheqjen e partisë në korrikun e vitit 2021.
Qeveria 
kërkon hetime për Lamine Yamal 