“Ka kaluar koha kur mund të sulmojë Kosovën, t’i gjejë qytetarët të pambrojtur.”
Këtë deklaratë e dha mbrëmë deputetja e GUXO-s – ish-ministre e Jashtme në Qeverinë Kurti 2 – gjatë një interviste te Çim Peka, duke nënkuptuar se në të kaluarën Kosova ishte e pambrojtur ndaj agresioneve të shtetit serb, ndërsa sot, sipas saj, situata ka ndryshuar dhe “ne e mbrojmë vendin.”
“Një gjë ua them ndërkombëtarëve: që në Kosovë, nëse Serbia na sulmon dhe nëse Serbia mendon se mund të pushtojë territore, të jeni të sigurt që ne e mbrojmë vendin. E ka marrë një mësim bota perëndimore nga Ukraina, se si një popull më i vogël, por me një shpirt liridashës, i bën ballë superfuqisë. Ne nuk provokojmë, por shtrijmë ligjin në territorin tonë. Ka kaluar koha kur mund të sulmojë Kosovën, t’i gjejë qytetarët të pambrojtur dhe të silleshe me ta sipas qejfit.” – tha Gërvalla.