SPB Shkup – Njësia për krim të dhunshëm ka ngritur kallëzim penal me procedurë të shpejtë ndaj A.R. (29) nga Shkupi, për shkak të dyshimeve të bazuara për kryerjen e veprave penale “prodhim, mbajtje, ndërmjetësim dhe tregti të paautorizuar me armë ose lëndë plasëse” sipas nenit 396 dhe “lëndim trupor” sipas nenit 130 të Kodit Penal.
Më 08.06.2025, në orën 20:30 në Shkup, zyrtarët policorë të SPB Shkup e kanë privuar nga liria A.R., pas një kallëzimi paraprak se në shtëpinë familjare në rajonin e Çarshisë së Epërme (Bit Pazar) ka sulmuar fizikisht bashkëshorten e tij 33-vjeçare, duke përdorur edhe një mjet të fortë.
Më pas, me urdhër të Gjykatës Themelore Penale Shkup, është kryer bastisje në shtëpinë e tij, ku janë gjetur dhe sekuestruar: 1.167 fishekë të kalibrave të ndryshëm, një pushkë automatike kalibër 7.62 x 39 mm, një pistoletë “Zoraki” për sinjalizim me dritë dhe zë, e modifikuar në armë zjarri kalibër 7.65 mm, një pistoletë gjysmë automatike “Ranger” kalibër 9 mm, një pistoletë ajri, një granatë dore, karikatorë për armë automatike, mbajtëse pistoletash, pjesë të armëve të zjarrit, thika dhe mjete të tjera të mprehta, si dhe sende tjera për të cilat ekziston dyshimi se rrjedhin nga vepra penale.
Gjykatësi i procedurës paraprake i ka caktuar të dyshuarit A.R. masën e paraburgimit për 30 ditë.