Zv.kryeministri Arben Fetai, ka marr pjesë në hapjen zyrtare të Barça Academy në stadiumin e FC Shkupit.
“Sot pata kënaqësinë të marr pjesë në hapjen zyrtare të Barça Academy në stadiumin e FC Shkupit, një ngjarje e veçantë për të gjithë dashamirësit e futbollit!
Bashkë me Ambasadorin e Spanjës Rafael Soriano Ortiz, Kryetarin e Çairit Visar Ganiu dhe Kryetarin e FFM-së Masar Omeragiç, përshëndetëm këtë nismë që nuk është thjesht një kamp trajnimi, por një dritare drejt ëndrrave të mëdha për të rinjtë tanë.
Si ish-futbollist, e di se futbolli nuk njeh kufij. Ai ndërton ura, formon karaktere dhe bashkon breza. Prandaj, si Qeveri, po investojmë fuqishëm në sport, me bursa, subvencione dhe infrastrukturë të re moderne.
Uroj që nga kjo akademi të lindin yjet e ardhshëm të futbollit tonë, dhe pse jo, ndonjë Lamine i ri, që do të na bëjë krenarë të gjithëve!
🇪🇸⚽
Més que un club 💙❤”, ka shkruar Fetai.