Kryetari i Aleancës për Shqiptarët, Ziadin Sela ka zhvilluar një takim me nëndegët e partisë së tij në degën e Sarajit, ku siç ka njoftuar ka mirëpritur një numër anëtarësh të rinj që iu bashkuan partisë.
“Në një takim me nëndegët e Aleancës për Shqiptarët në Degën e Sarajit, ju uruam mirëseardhje anëtarëve të rinj të cilët prej sonte edhe zyrtarisht i bashkangjiten familjes së madhe dhe misionit kombëtar të Aleancës për Shqiptarët dhe liderit Ziadin Sela.
Rruga e drejtë, kauza e pastër dhe rezistenca ndaj çdo stuhie po forcojnë çdo ditë e më shumë besimin e shqiptarëve ndaj politikave tona kozistente dhe të palëkundura. Kjo mbështetje na jep fuqi dhe motiv për të vazhduar edhe më tej bëtejat tona për të ardhmen e dinjitetshme të shqiptarëve në këtë vend”, thuhet në komunikatën e ASH-së.