Ky filmim tregon momentet kur i vihen prangat një të riu, që dyshohet si autor i vrasjes së një çifti diplomatësh izraelitë në muzeun hebre në Washington.
“Liri Palestinës” është thirrja e tij në momentin e arrestimit nga policia amerikane. Autori u identifikua si 30-vjeçari Elias Rodriguez nga Chicago, i cili mendohet se e kreu aktin në mbështetje të kauzës palestineze përballë sulmit izraelit.
Viktimat janë Yaron Lischinsky, pjesë e departamentit të studimeve për Lindjen e Mesme dhe Afrikën Veriore në Ambasadën izraelite në Shtetet e Bashkuara dhe partnerja e tij Sarah Milgram. Në muzeun ku humbën jetën, merrnin pjesë në një aktivitet diplomimesh, ndërsa kishin në plan të shpallnin fejesën për pak ditë.
Presidenti amerikan Donald Trump u shpreh i trishtuar për këtë krim të tmerrshëm siç e quajti ai, me bazë antisemitizmin, urrejtjen e racizmin.
Përmes një deklarate për shtyp, kryeministri izraelit Benjamin Netanyahu veç trishtimit, kërkoi shtimin e masave të sigurisë për stafet diplomatike izraelite nëpër botë.
I pikëlluar edhe ministri i Jashtëm i Gjermanisë, Johan Wadephul, pasi diplomati izraelit kishte shtetësi të dytë gjermane.