Gjatë një debati në televizionin ALSAT:
“A pritet që Arben Taravari të marrë pesë komuna nga BDI si pjesë e një marrëveshjeje politike pas zgjedhjeve?”
Ziadin Sela reagoi qartë dhe pa ekuivok, duke e përjashtuar një zhvillim të tillë dhe duke nënvizuar qëndrimin e tij brenda Frontit Evropian:
“Unë e kam bërë të qartë: nëse ka komuna për t’i shpërndarë majtas e djathtas, është çështje e tij. Por unë nuk pranoj përulje, nënçmim apo shkelje në raport me asnjë partner brenda Frontit – e aq më pak në raport me Arben Taravarin.”
Sipas Selës, çdo lëvizje që cenon parimet e bashkëpunimit dhe respektit të ndërsjellë është e papranueshme dhe dëmton strukturën e brendshme të Frontit Evropian. Ai la të kuptohet se nuk do të heshtë ndaj çdo përpjekjeje për të shpërblyer figura të diskutueshme politike në kurriz të qëndrueshmërisë së koalicionit.