Kompania “Marmaris” në shenjë përkushtimi ndaj komunitetit dhe nevojave reale të institucioneve shëndetësore ka dhuruar 10 karrige laboratorike për marrjen e gjakut për spitalin gjinekologjik “Nëna Terezë” në Çair.
Kryetari i komunës së Çairit, Visar Ganiu, tha se ky donacion është një investim në dinjitetin e pacientëve dhe përmirësimin e shërbimeve publike.
“Ky donacion është më shumë se sa pajisje, është një investim në dinjitetin e pacientëve dhe në lehtësimin e punës së stafit shëndetësor, që çdo ditë shërben me përkushtim. Gjithashtu i njëjti pronar ka dhuruar 22 karrige të njëjta edhe për Klinikën e Fëmijëve. Ky veprim është shembull konkret se si sektori privat mund të kontribuojë në mënyrë të drejtpërdrejtë për përmirësimin e shërbimeve publike, sidomos në fushën e shëndetësisë, që mbetet ndër prioritet më të ndjeshme për të gjithë qytetarët.”, – deklaroi kryetari i komunës së Çairit, Visar Ganiu.
Drejtoresha e Spitalit Gjinekologjik “Nëna Terezë” në Çair, Pranvera Izairi, tha se karriget laboratorike do të përmirësojnë cilësinë e shërbimeve për pacientët dhe lehtësimin e punës së stafit shëndetësor në këtë spital.
“Karriget laboratorike do të shfrytëzohen në ngritjen e cilësisë së dhënies së shërbimeve mjekësore te pacientët që do ta kërkojnë atë shërbim këtu te ne. Shpresoj që ky lloj bashkëpunimi të vazhdojë edhe në të ardhmen. Është një gjest human dhe solidar nga ana e tyre dhe ne e vlerësojmë thellë, si unë personalisht, ashtu edhe stafi i spitalit.”, – theksoi drejtoresha e Spitalit Gjinekologjik “Nëna Terezë”, Pranvera Izairi.
Kompania “Marmaris” i dhuroi pajisje Spitalit Gjinekologjik në Çair
