Bujar Osmani nga BDI ka reaguar ndaj VLEN-it pas deklaratave të ministrit të Administratës, Goran Minçev i cili sipas tij ka ironizuar zëvendëskryeministrin Izet Mexhiti, duke e quajtur “Liza në botën e çudirave”.
“Ministri i Administratës ironizoi zëvendëskryeministrin duke i thënë mjaft gënjeve shqiptarët si në botën e çudirave – një fyerje e hapur që tregon se sa seriozisht i merr qeveria partnerët e saj shqiptarë. Ky është niveli i respektit që ka pushteti aktual për shqiptarët: i përdorin si dekor dhe i tallin kur duan. VLEN-i premtoi ndikim dhe barazi, por realiteti është se ata nuk kanë asnjë zë dhe janë bërë objekt përqeshjeje nga vetë partnerët e tyre. Nga një premtim i madh ata përfunduan si personazhe të një përralle – të pavlerë dhe të pashpresë”, shkruan Osmani.