55-vjeçarja Jennifer Lopez mahniti në premierën e filmit “Kiss of the Spider Woman” gjatë festivalit të filmit “Sundance 2025” në Park City, Utah.
Aktorja dhe këngëtarja u shfaq me një fustan të tejdukshëm, krijim i Valdrin Sahitit, i zbukuruar me detaje në formë rrjete merimange dhe bizhuteri Hassanzadeh.
Lopez, e cila interpreton Ingrid Luna në filmin muzikor, kombinoi fustanin me një pallto të bardhë elegante dhe grimin klasik të Hollywood-it.
Filmi tregon historinë e dy të burgosurve argjentinas që krijojnë një lidhje të veçantë përmes një muzikal hollivudian.
Ish-bashkëshorti i Lopez, Ben Affleck, dhe Matt Damon janë mes producentëve ekzekutivë të filmit.
Gjatë një paneli, Lopez rrëfeu përgatitjet e saj intensive për rolin, duke theksuar pasionin që kishte për këtë projekt.
Tonatiuh, bashkë-ylli i saj, e quajti Lopez një “forcë e natyrës”, duke vlerësuar talentin dhe përkushtimin e saj.
“Kiss of the Spider Woman”, i cili është përshtatur nga një roman dhe një shfaqje muzikore, pritet të tërheqë vëmendje me dramatikën e tij dhe performancat e fuqishme.