Përdoruesit e TikTok në SHBA po “migrojnë” në një aplikacion kinez të quajtur RedNote. Përdoruesit e kanë bërë kështu RedNote aplikacionin më të shkarkuar në App Store.
Ky aplikacion tashmë mund të konsiderohet si një prej konkurrentëve të TikTok. RedNote numëron rreth 300 milionë përdorues në muaj dhe duket si një kombinim i TikTok dhe Instagram. Ai lejon përdoruesit që të shkëmbejnë këshilla, për stilin e jetës, modën apo për fusha të tjera.
Teksa TikTok po përballet me vendime të rrepta nga Gjykata e Lartë në SHBA, RedNote po pret me krahë hapur përdoruesit e tij të rinj, ose siç janë quajtur ndryshe nëpër rrjetet sociale “refugjatët e TikTok”.
Pavarësisht dilemave për sigurinë e të dhënave përdoruesit e shikojnë RedNote si një aplikacion alternativë që mund të zëvendësojë më së miri TikTok. Për BBC disa prej tyre shprehen kështu:
“Edhe nëse TikTok qëndron, unë do të vazhdoj të përdor faqen time që kam krijuar në RedNote.”