Kryetari i Aleancës për Shqiptarët, Ziadin Sela, ka reaguar ashpër ndaj vendimit për rastin “Alfa”, duke e cilësuar atë si një tjetër shembull të padrejtësive që ushtrohen ndaj shqiptarëve në sistemin gjyqësor të Maqedonisë së Veriut.
Sela theksoi se vendimet në drejtësi vazhdojnë të merren jo mbi bazën e veprës dhe provave konkrete, por në varësi të emrit dhe mbiemrit të të akuzuarit. “Rasti ‘Alfa’ ka dëshmuar fatkeqësisht se diskriminimi etnik mbetet një plagë e rëndë në sistemin e drejtësisë,” tha ai.
Ai kërkoi që ky rast të rigjykohet me transparencë dhe drejtësi të plotë, duke theksuar se të drejtat e njeriut dhe ligji duhet të zbatohen në mënyrë të barabartë për të gjithë qytetarët, pa dallim etnie.
href=”https://www.facebook.com/share/v/19aDkBJFcN/”>Ziadin Sela Video e Plot