Kryetari i Aleancës për Ardhmërinë e Kosovë, Ramush Haradinaj, ka marrur pjesë në “Darkën e Lamës”, të organizuar nga Komuna e Decanit, shkruan Gazeta Infokus.
Në pamjet e shpërndara nga Haradinaj në “Facebook”, ka shkruar se kjo darkë është një kujtesë për rëndësinë e traditave dhe shpirtit të bashkimit që na dallon si komb.
“Në Llukë të Deçanit, në odën e Dervish Shaqës – simbol i krenarisë dhe frymëzues i shumë gjeneratave, përfshirë brezin e UÇK-së – Komuna e Deçanit organizoi “Darkën e Lamës,” një kujtesë për rëndësinë e traditave dhe shpirtit të bashkimit që na dallon si komb. Kjo traditë e vyer, e ruajtur nga Dervish Shaqa, vazhdon përmes djalit të tij, Aliut, të cilit pata nderin t’i ndaj medaljen “Me Besim në Zot, Atdhe dhe Shtet.”, ka shkruar Haradinaj.
Ndër tjerash ai shtoi se kjo darkë të mbetet kujtesë që perms vlerave jemi dhe do të mbetemi gjithmonë një kombë i fortë.
“Qoftë kjo kujtesë se përmes vlerave tona, jemi dhe do të mbetemi gjithmonë një komb i fortë, i bashkuar dhe i denjë për trashëgiminë e tij!”, ka shkruar tutje Haradinaj./Gazeta Infokus/
Më poshte gjeni postimin e tij të plotë.