Kryetar i Shoqatës së Pensionistëve në Kosovë, Niazi Gashi në emisionin “Robin Hud” tha se për katër vite nuk ka pasur rritje reale të pensioneve në Kosovë. Gashi thotë se edhe për kundër inflacionit të lartë, pensioni bazik në Kosovë është 100 euro, personat me shkollë të mesme marrin 190 euro, kurse pensionistët me arsim të lartë marrin 265 euro.
“Qeveria nuk e ka bërë kurrë vlerësimin e indeksit të kostos jetësore, dhe në nenin 14 të Ligjit mbi skemat pensionale, qeveria e ka për obligim çdo fundvit ta bëjë vlerësimin e këtij indeksi, kjo nuk e ka bërë dhe nuk e ka deklaruar kurrë, dhe qe katër vite qeveria e Kosovës nuk ka bërë rritje të pensioneve, përkundër inflacionit që tani na ka goditur në masën 100%. Dhe tani nuk është e vështir të llogariten pensionet, po të veprohet sipas ligjit, tani presioni bazë do të duhej të ishte 200 euro, ai me shkollë të mesme do të duhej të ishte 400 euro, kurse ai me përgatitje superiore, 500 euro”, tha mes tjerash Gashi.
Sot në serialin rajonal “Robin Hud”, në bashkëpunim me kolegët nga rajoni i Ballkanit Perëndimor trajtojmë temën e pensioneve në rajon dhe kushteve të pensionistëve.