Është hapur Ura e Madhe e Kukësit. Kështu ka bërë të ditur kryeministri i Shqipërisë, Edi Rama përmes një postim në “Facebook”.
Për këtë urë, Rama thotë se është vepër mbresëlënëse, e cila çliron përfundimisht qarkullimin e ngërçosur prej vitesh.
“Jep një përgjigje kuptimplotë të gjitha qyqeve që mbushën rrjetet sociale me vrer lajmesh të rreme, ndërkohë që po siguroheshin edhe akseset e komuniteteve përreth”, shton tutje Rama.
Ura është 310 metra e gjatë, peshon 5 mijë ton dhe është e ndërtuar nga çeliku, ndërsa ka kushtuar rreth 40 milionë euro.