Analisti dhe publicisti Lirim Memetaj ka reaguar ashpër ndaj Qeverisë së udhëhequr nga Albin Kurti, duke vënë në pikëpyetje realizimin e premtimeve elektorale dhe programin qeveritar.
Në një reagim publik, Memetaj shprehet se i kujtohet koha kur, gjatë fushatave zgjedhore, partitë në pushtet përpiqeshin të dëshmonin konkretisht se çfarë kishin realizuar nga programi dhe premtimet e mëparshme. Sipas tij, sot situata është krejt ndryshe.
“Jam absolutisht i bindur që prej Albin Kurtit e poshtë, as që e dinë ku e kanë programin qeveritar me 50 faqe, e lëre më ta përmendin si diçka të realizuar në këtë fushatë,” shprehet Memetaj.
Ai thotë se e ka shfletuar programin qeveritar dhe ka mbetur i habitur nga ajo që ka gjetur. “E pabesueshme, por asnjë premtim i vetëm s’qenka i realizuar, asnjë,” thekson ai.
Memetaj ironizon edhe mënyrën e fushatës aktuale të kryeministrit Kurti, duke thënë se nuk është rastësi që, sipas tij, videot dhe paraqitjet publike tani po bëhen kryesisht nëpër oda, me të moshuar, të cilëve u tregohet se si “nuk po lëshohet pe”.