Zëdhënësi i Forcave të Mbrojtjes së Izraelit, Daniel Hagari, ka thënë se Irani “e ka paguar çmimin” për sulmet e fundit mbi Izraelin.
Ai ka shtuar se Izraeli ka kryer sulme “precize” në disa caqe në zona të ndryshme në Iran. Këto caqe përfshinin objekte të prodhimit të raketave dhe kapaciteteve të tjera ajrore.
Hagari është shprehur se Izraeli mund të zgjedhë caqe shtesë nëse do që t’i godasë.
“Ky është mesazh i qartë – ata që e kërcënojnë shtetin e Izraelit do të paguajnë çmim të rëndë”, ka thënë ai.
Ushtria izraelite ka kryer sulme ajrore të shtunën mbi Iranin, pas zotimit se do të hakmerrej ndaj sulmeve me raketa të Iranit. Ushtria iraniane ka thënë se dy ushtarë të saj janë vrarë.