Shefi i OBSH-së paralajmëron: Bëhuni gati për sëmundjen X

Sekretari i përgjithshëm i Organizatës Botërore të Shëndetësisë (OBSH), Tedros Adhanom Ghebreyesus, ka theksuar rëndësinë e përgatitjes për sëmundjen X, duke shprehur shpresë se deri në muajin maj vendet do të arrijnë një marrëveshje pandemike për të trajtuar këtë “armik të përbashkët”, transmeton Anadolu.

“Marrëveshja e pandemisë mund të sjellë në një të gjithë përvojën, të gjitha sfidat me të cilat jemi përballur dhe të gjitha zgjidhjet”, tha Ghebreyesus në Forumin Ekonomik Botëror në Davos të Zvicrës.

Duke theksuar se sëmundja X, një sëmundje e panjohur, u përdor si term për herë të parë në vitin 2018, Ghebreyesus theksoi se ka gjëra të panjohura që mund të ndodhin dhe se çdo gjë që ndodh është “çështje kur e jo nëse”.

“Ne nuk duhet të përballemi me gjërat të papërgatitur, ne mund të përgatitemi edhe për disa gjëra të panjohura”, tha Ghebreyesus në panelin e diskutimit të titulluar “Përgatitja për sëmundjen X”.

Duke iu referuar rëndësisë së kërkimit dhe zhvillimit, si dhe infrastrukturës shëndetësore dhe fuqisë punëtore për t’u përgatitur për sëmundjen X, Ghebreyesus theksoi se shëndeti parësor është vendimtar siç e pa bota gjatë pandemisë COVID-19.

“Edhe komunitetet mund të përgatiten për sëmundjen X”, tha Ghebreyesus, duke shtuar se shëndeti publik, arsimi dhe komunikimi duhet të jenë në qendër.

Duke përsëritur rëndësinë e marrëveshjes së pandemisë, ai theksoi se kjo mund të ndihmojë botën të përgatitet për të ardhmen në një mënyrë më të mirë.

“Për shkak se bëhet fjalë për një armik të përbashkët, pa një përgjigje të përbashkët, duke u nisur nga gatishmëria, do të përballemi me të njëjtin problem si COVID-i”, tha shefi i OBSH-së.

Duke kujtuar se afati i fundit për marrëveshjen e pandemisë është muaji maj i vitit 2024, Ghebreyesus tha se shpreson që vendet të arrijnë këtë marrëveshje pandemike deri në atë kohë.

Më tej, ai tha se nëse ky brez që ka përvojë të dorës së parë nuk mund ta bëjë këtë, ai nuk mendon se do ta bëjë gjenerata e ardhshme.

“Pra, për hir të fëmijëve dhe nipërve tanë, ne duhet ta përgatisim botën për të ardhmen”, u shprej Ghebreyesus./TV Shenja

REKLAMË

REKLAMË

lajmet e fundit

Kur presioni publik e përmirëson drejtësinë: Nga Haga e sotme te precedentët historikë, pse duhet protestuar?

Shkruan: Besir Bajrami Presioni qytetar dhe mediatik mund ta bëj dallimin mes padrejtësisë dhe drejtësisë, edhe në rastet ndërkombëtare më të ndërlikuara. Historia dhe praktikat...

“Bëni share ose harro vendime!” – mesazhi kërcënues i kunatit të Bekim Salit tregon si trajtohen qytetarët nga njerëzit e pushtetit

Një mesazh i dërguar nga Ermal Fuga, kunati i Bekim Salit, ka ngjallur reagime dhe shqetësim në rrjete sociale. Përmbajtja e mesazhit zbulon një...

Në tregjet botërore çmimi i arit vazhdimisht po arrin rekorde

Çmimi i arit ka arritur në nivele tejet të larta, edhe atë mbi 4,000 dollarë për ons. Që nga viti i kaluar, çmimi i...

Votat e diasporës ndryshojnë renditjen në Mitrovicë, Peci del i pari

Ka përfunduar numërimi i votave me postë për kandidatët për kryetar të Mitrovicës së Jugut në Qendrën e Numërimit të Rezultateve. Faton Peci nga Vetëvendosje...

Albi Qamili thyen heshtjen zgjedhore, KSHZ të reagojë!

Bartësi i listës për Tetovë nga VLEN, Albi Qamili, ka thyer heshtjen zgjedhore duke postuar një videomaterial sot rreth orës 15:20. Në videon e postuar...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu