Boksieri Anthony Joshua do të ballafaqohet me Daniel Duboisin ose me Tyson Furyn në meçin e ardhshëm, ka thënë promotori i kategorisë së rëndë, Eddie Hearn.
Britaniku 35-vjeçar, Joshua, e pësoi disfatën e katërt në karrierë, kur u mposht nga kampioni i botës, Dubois.
Meçi ishte zhvilluar në stadiumin “Wembley”, në muajin shtator, ndërsa rimeçi pritet të organizohet 22 shkurt në Arabinë Saudite, ka shkruar “BBC” të enjten.
Fury, i cili për kohë të gjatë është folur se do të ballafaqohet me Joshuan, do të ballafaqohet me kampionin e padiskutueshëm të peshës së rënd, Oleksandr Usyk, më 21 dhjetor, pasi humbi nga ukrainasi në muajin maj.