Njohësi i çështjeve ekonomike, Shenoll Muharremi, ka publikuar disa statistika nga Agjencia e Statistikave të Kosovës.
Muharremi ka bërë të ditur se nga viti 2020 deri më 2023, janë shtruar vetëm 2 kilometra rrugë të reja.
Postimi:
Sa Kilometra Rrugë të Reja 2020-2023?
Nga Vjetari Statistikor 2024 (ASK/ZKM) që u publikua këto ditë e kemi edhe një indikator jo shumë pozitiv nga vitet e fundit. 2 kilometra rrugë të reja janë shtruar nga viti 2020 deri 2023. Në fakt, qeveritë e mëparshme e patën tepruar me investime në rrugë, kërkohej një diversifikim i investimeve, sidomos në biznese dhe sektor privat. Kjo për arsye që të rritet ekonomia vendore dhe të ulet deficiti tregtar. Qeveria aktuale, fokusin nuk e pati tek bizneset por tek politikat e majta sociale. Rrjedhimisht, nuk u investua në infrastrukturë as rrugore as biznesore, por në lëmosha. Mbetëm pa ndihmë për biznese, pa rrugë të reja.. dhe me rritje të ndihmave sociale dhe rritje të deficitit… E kjartë që duhej të ndryshonte diskursi nga investimet e mëdha në rrugë, por kjo nuk nënkuptonte që vetëm 2 kilometër rrugë të reja mos të shtrohen për 4 vite.