Kryetari i Partisë Socialdemokrate, Dardan Molliqaj në emisionin “Click” në RTV21 tha se ka mjaftueshëm elemente që tregohet se kryeministri ka karakter autoritar. Kur u pyet se si do të dal në zgjedhjet e ardhshme partia në pushtet (Lëvizja Vetëvendosje), Molliqaj tha se autoritaret zgjasin më shumë ne politikë.
“Albin Kurti ka ardhur në pushtet me lidhjen më të fortë ndërkombëtare me Gjermaninë, me asnjë shtet tjetër s’ka pasë marrëdhënie me të mirë. Nuk mundemi me thënë se Gjermania ka qenë e keqe, ky e ka pas marrëdhinen me të fortën me jashtë me Gjermaninë, dhe me Gjermaninë e prishi më së shumti”, tha Molliqaj.
Derisa foli edhe për synimin e Lëvizjes Vetëvendosje për bashkim kombëtar, Molliqaj tha se Kosova kurrë më larg me Shqipërinë se këto 4 vjet nuk ka qenë.
“Kurrë më larg Kosova me Shqipërinë se në këto 4 vjet s’ka qenë, as në bashkëpunimin institucional as në përçarjen popullore…mund të ketë qenë në komunizëm …se di a e dini që para se me ardhë Kurti në pushtet vullneti i popullit të Kosovës për t’u bashkuar me Shqipërinë ka qenë 80% e në Shqipëri 60% tash është e kundërta”, tha Molliqaj. /21Media